हङकङ विरुद्ध नेपाल पहिले ब्याटिङ गर्दै

0
70

काठमाडौं ।युएईमा आजबाट ( नोभेम्बर २२ ) महिला टि-ट्वान्टी विश्वकप एसिया क्षेत्र छनोट प्रतियोगिताको पहिलो खेलमा नेपाल विरुद्ध हङकङविरुद्ध टस हारेर पहिले ब्याटिङ गर्दैछ।

सन् २०२३ को फेब्रुअरीमा दक्षिण अफ्रीकामा आयोजना हुने महिला विश्वकप टि-ट्वान्टी विश्वकपको छनोट अन्तर्गत नेपालले पहिलो खुड्किलोको रुपमा एसिया छनोट खेल्न लागेको हो। प्रतियोगितामा नेपाल सहित आयोजक युएई, भुटान, हङकङ, मलेसिया र कुवेत गरि ६ टोलि सहभागी छन्। सहभागी ६ टिमले एकअर्का संग एक/एक खेलमा प्रतिस्पर्धा गरेपछि उत्कृस्ट हुने एउटा टिम आगामी वर्ष आयोजना हुने ग्लोबल छनोट प्रतियोगितामा छनोट हुनेछ।

गत साता कतारसंग तिनवटा टि-ट्वान्टी अन्तर्राष्ट्रियको सिरिज खेलेको नेपाली महिला क्रिकेट टिमले त्यस अघि दुई वर्ष अघि मात्र अन्तर्राष्ट्रिय क्रिकेट खेलेको थियो। कमजोर कतारलाई नेपालले तिन वटै खेलमा पराजित गर्न ठूलो कसरत गर्नु परेन। हंगकंग पनि २०१९ पछि पहिलो पटक अन्तर्राष्ट्रिय क्रिकेट खेल्दैछ। टि-ट्वान्टी अन्तर्राष्ट्रिय वरियतामा नेपाल १४ औं स्थानमा छ भने हङकङ २५ औं स्थानमा छ।

Cyprusandaxi
Cyprusandaxi
Cyprusandaxi
Cyprusandaxi

नेपाल र हङकङ महिला क्रिकेट टिमको इतिहास हेर्ने हो भने दुई टिम बीचको खेल प्रतिस्पर्धात्मक रहँदै आएको छ। पछिल्लो ५ भेटको ( सबै फर्म्याट ) कुरा गर्ने हो भने नेपाल ३ खेलमा तथा हंगकंग २ खेलमा विजयी भएको छ। तर पछिल्लो समय अन्तर्राष्ट्रिय नखेलेकाले हंगकंग महिला क्रिकेट टिमको स्तर आजको खेलनै कुर्नु पर्नेछ।

प्रतियोगिताको खेल तालिका अनुसार नेपालले पहिलो खेल नोभेम्बर २२ तारिखमा हंगकंगसंग आईसीसी एकेडेमी मैदान ( २ ) मा खेल्नेछ। यस्तै दोश्रो खेल सोहि मैदानमा नोभेम्बर २३ तारिखमा भुटानसंग, तेश्रो खेल नोभेम्बर २५ तारिखमा कुवेतसंग आईसीसी एकेडेमी मैदान ( १ ) मा, चौंथो खेल मलेसियासंग सोहि मैदानमा नोभेम्बर २६ तारिखमा तथा पाँचौ खेल नोभेम्बर २८ तारिखमा आईसीसी एकेडेमी मैदान ( २ ) मा युएईसंग खेल्नेछ।

नेपाली टिम
रुबिना क्षेत्री ( कप्तान ) , डली भट्ट, सिता राना मगर, करुणा भण्डारी, इन्दु बर्मा, सरिता मगर, ज्योति पाण्डे ( विकेटकिपर ) , सरस्वति चौधरी, काजल श्रेष्ठ ( विकेटकिपर ), सबनम राई, कविता कुँवर, अप्सरी बेगम, कविता जोशी, संगीता राई , प्रशिक्षक : जगत टमाटा

Spread the News
Cyprusandaxi
Cyprusandaxi
Cyprusandaxi
Cyprusandaxi